Nëse ju pranoni njoftim nga AKP-ja rreth kërkesës, kjo do të thotë që dikush tjetër kërkon të ketë të drejtë juridike në pronën të cilën momentalisht jeni duke e shfrytëzuar.

Ju lutemi të jeni në dijeni me faktin që madje nëse dikush tjetër ka paraqitur kërkesë për pronë, kjo automatikisht nuk do të thotë që ata kanë të drejta pronësore në pronë.

Duke u bërë palë, ju do të merrni statusin si “palë përgjegjëse” në kërkesë.

Nëse dëshironi të kontestoni kërkesën ju duhet t’i ofroni AKP-së dokumentet, të cilat dëshmojnë të drejtat e juaja mbi pronën. Këto dokumente përfshijnë :

Kontratën mbi Shitblerjen;
Fletën e Posedimit;
Vendimin e Gjykatës mbi përcaktimin e të drejtave në pronën e patundshme;
Deklaratën e nënshkruar nga shitësi apo dëshmitari;
Kopjen e Planit Kadastral;
Certifikatën kadastrale apo dokumentet e tjera kadastrale;
Vendimin mbi Ndarjen;
Kontratën mbi Shfrytëzim;
Marrëveshjen mbi Qiranë;
Vendimin mbi Trashëgiminë në rast se bartësi i të drejtës së pronës është i ndjerë;
Faturat e Komunalisë;
Të dhënat mbi Tatimet;
Lejen e përkohshme e lëshuar nga autoriteti apo bartësi i të drejtës së ndarjes. Çdo dokument tjetër që dëshmon të drejtën tuaj pronësore.

Nëse nuk pajtoheni me vendimin, ju keni të drejtë ankese në Gjykatën Supreme të Kosovës përmes AKP-së. Vendimi përfundimtar i KKPK-së apo në rast të ankesës, vendimet e Gjykatës Supreme të Kosovës, janë detyruese dhe të zbatueshme dhe nuk do të shqyrtohen nga asnjë organ gjyqësor apo administrativ në Kosovë.

AKP do të implementojë vendimin e marrë nga KKPK-ja apo në rast të ankesës nga Gjykata Supreme e Kosovës.

Nëse dëshironi të dini më tepër rreth të drejtave tuaja apo keni nevojë për ndihmë për t’u bërë palë në kërkesë ju mund të kontaktoni cilëndo zyre të AKP-së. Agjencia ka caktuar stafin që do të jetë në gjendje t’ju ndihmojë juve.