TRAJNIM PËR NGRITJE KAPACITETESH DHE  AFTËSIM PROFESIONAL TË STAFIT TË AKP-së

Prishtinë, qershor 2016

Në kuadër të nevojave për ngritje dhe  aftësim profesional të stafit punonjës, si dhe në kuadër të procesit të  ndryshimit organizativ, AKP, ka realizuar trajnim treditor në Durrës (Shqipëri)  nga 27-29 maj 2016 për të gjithë stafin e vet, me temën “Ngritja e  kapaciteteve profesionale, konceptet e zhvillimit dhe ndryshimit organizativ”.
  Ky trajnim është konceptuar dhe  realizuar në tri module (nivele) për: stafin menaxherial, atë profesional dhe  stafin tekniko-administrativ. Në kuadër të këtyre moduleve fokus i  veçantë  i është kushtuar temave që kanë të bëjnë me zhvillimin dhe  ndryshimin organizativ, ngritjen e kapaciteteve, menaxhimin e performancës,  menaxhimin e projekteve,  mirëqenien në organizatë dhe menaxhimin e  konfliktit, si dhe aspekte tjera profesionale që kanë të bëjnë me çështje  ligjore mbi të drejtat pronësore.
   Projekti është mbështetur  financiarisht nga Ambasada Britanike në Kosovë dhe është implementuar nga  Universiteti për Biznes dhe Teknologji (UBT).
  Ky trajnim është pjesë e aktiviteteve të  planifikuara nga menaxhmenti i AKP-së për aftësim dhe ngritje të vazhdueshme  profesionale të stafit.