Vendosen  lëndët e fundit të parashtruara në AKP
 
  Prishtinë,  janar 2015
 
  Më  16 dhjetor 2014 në Agjencinë Kosovare të Pronës është mbajtur mbledhja e fundit  e Komisionit për Kërkesa Pronësore të Kosovës (KKPK), për t’i  zgjidhur pjesën e mbetur të kontesteve pronësore  si lëndë të pranuara,  regjistruara dhe proceduara për vendimmarrje në AKP. Me këtë rast, u vendosën 194  lëndët e fundit të mbetura duke e çuar numrin e lëndëve të vendosura në 42,116,  ndërsa 633 lëndë janë tërhequr nga parashtruesit ende pa kaluar në  Komision për vendimmarrje, të cilat së bashku në total e pasqyrojnë numrin prej 42749 lëndëve të pranuara në AKP.
 
Me  këtë proces mbyllet kapitulli i zgjidhjes së kërkesave pronësore të  parashtruara pranë AKP-së, e që janë pasojë e konfliktit të vitit 1998/99 në  Kosovë.
 
Ndaj  vendimeve të nxjerra nga KKPK mund të ushtrohet ankesë në Gjykatën Supreme të  Kosovës prandaj nuk dihet se sa do të jetë numri i atyre lëndëve që do të  kthehen për rishqyrtim dhe rivendosje në Komision. 

Zgjidhja  dhe zbatimi i kërkesave pronësore të ndërlidhura me konfliktin në mënyrë të  drejtë, objektive dhe transparente, duke e respektuar plotësisht sundimin e  ligjit, ka qenë dhe mbetet një nga qëllimet kryesore të AKP-së si dhe KKPK-së