Republika  Federale e Gjemanisë mbështet Agjencinë Kosovare të Pronës

Më  datë 4 shkurt 2013,  Qeveria e  Republikës së Kosovës dhe Qeveria e Republikës Federale të Gjermanisë  nënshkruan Marrëveshjen e grantit për të mbështetur punën e Agjencisë Kosovare  të Pronës (AKP) në vlerë prej €253.000. Kjo marrëveshje e ndihmës financiare u nënshkrua, në  emër të Qeverisë së Kosovës dhe në emër të AKP-së, nga Zv/Ministri i Financave  z.Ramadan Avdiu, dhe në emër të Qeverisë së Gjermanisë nga Shkëlqesia e Tij Peter Blomeyer,  Ambasador i Gjermanisë në Kosovë.
Me këtë rast, zv/Ministri Avdiu tha se “ky  donacioni do të shfrytëzohet në funksion të zgjidhjes së kërkesave pronësore  dhe do të mundësojë vazhdimin me sukses të këtij procesi, të cilin e konsiderojmë të rëndësishëm duke pas parasysh se e drejta në pronë është  një nga të drejtat themelore të njeriut”.

Ndërsa, Ambasadori Gjerman në Kosovë përgëzoi Agjencinë Kosovare të Pronës   për punën e deritanishme në zgjidhjen e kërkesave pronësore me ç’rast deklaroi:
“Çështjet pronësore  kanë rëndësi qendrore për vendin për arsye se ato janë të lidhura me kohezionin  shoqëror, çështjet pronësore gjithashtu janë kruciale për zhvillim ekonomik. Ne  mendojmë se Agjencia Kosovare e Pronës ka bërë një punë të mirë sidomos në kuptim  të qartësimit të së drejtës pronësore për pronat në Kosovë, për këtë arsye ata  meritojnë gjithë mbështetjen që mund të marrin për të vazhduar këtë punë të  mirë”.

Në  këtë ceremoni  morën  pjesë edhe drejtori Ekzekutiv i Agjencisë  Kosovare të Pronës, z.Scott Bowen si dhe  zëvendësdrejtori Ekzekutiv i Agjencisë Kosovare të Pronës, z.Xhevat Azemi.