AKP bëri njoftimin për 3,544 prona të kërkuara

Sot, më 24 shtator 2010, Agjencia Kosovare e Pronës ka bërë njoftimin për 3,544 prona të kërkuara përmes numrit të nëntë të Gazetës së Njoftimit të AKP-së.

Bazuar në Memorandumin e Mirëkuptimit me Agjencinë Kadastrale të Kosovës (AKK), AKP-së, në shtator 2009, i është mundësuar qasja në të dhënat kadastrale që posedon AKK-ja. Pas rishikimit të këtyre të dhënave është konstatuar se në disa raste pronat janë identifikuar me gabime fizike. Me qëllim të adresimit të kësaj çështjeje, AKP do të ri-notifikojë pronat përmes nxjerrjes së Gazetës së Njoftimit.

Lista e pronave të notifikuara mund të gjindet në të gjitha Kuvendet Komunale, në Gjykatat lokale, në Gazetën e AKP-së, të në gjitha Zyrat e AKP-së (të shënuara në faqen e kontaktit) dhe fshatrat që kanë kërkesa në listë.
Për më shumë, është e mundshme edhe kërkimi elekronik për pronat e notifikuara, në faqen e internetit: http://www.kpaonline.org/SearchSC/frmSearch.aspx

ME RËNDËSI!
Nëse besoni se keni ndonjë interes juridik në ndonjë nga pronat e kontestuara, të cilat gjinden në Gazetën e Njoftimit, ju duhet të kontaktoni AKP-në sa më shpejt që është e mundur brenda 30 ditëve nga data e publikimit të kësaj Gazete. Nëse tashmë keni pranuar njoftim me shkrim nga AKP-ja se është paraqitur një kërkesë për pronën që ju momentalisht jeni duke e shfrytëzuar, dhe e njëjta gjendet në listë, ju lutemi që të paraqiteni në Zyrën Regjionale më të afërt të AKP-së brenda 30 ditësh që të caktoni një takim për të konfirmuar nëse jeni përgjigjur në kërkesën e duhur, e në rast të kundërt, për të konfirmuar nëse dëshironi ta tërhiqni përgjigjen tuaj në kërkesë, ose të përgjigjeni në ndonjë kërkesë tjetër pronësore të regjistruar në AKP.