PRISHTINË – Zëvendës Kryeadministratori i Përfaqësuesit të Posaçëm të Sekretarit të Përgjithshëm të OKB-së në Kosovë (ZKPSSP), Steven Schook sot potencoi rolin e rëndësishëm të Agjencisë Kosovare të Pronës (AKP) në zgjidhjen e kontesteve pronësore lidhur me të cilat kjo Agjenci tashmë ka pranuar më shumë se 10,000 kërkesa. ZKPSSP-ja i është drejtuar shtypit pas mbledhjes së Bordit Mbikqyrës të AKP-së, ku në mesin e tyre kanë marrë pjesë Kryeministri, Agim  Çeku, Udhëheqësi i Zyrës Britaneze në Prishtinë, David Blunti, Ministri i Ambientit dhe Planifikimit Hapsinor, Ardian Gjini si dhe Drejtori Ekzekutiv i AKP-së, Knut Rosandhaug.

Z. Schook vuri në pah mbarëvajtjen e bërë nga AKP-ja, prej se mori detyrat e Drejtoratit për Çështje Pronësore Banesore (DÇPB) në korrik të vitit të kaluar. “Nuk kam mundur të ëndërroj se do të përparonim kaq shpejtë dhe me kaq përgjegjësi në këtë çështje kritike” theksoi ai. Ai falënderoi Kryeministrin për “mbështetjen personale, pjesëmarrjen dhe udhëheqjen” e bërë nga ai, në ngritjen lartë të kësaj çështjeje, si dhe z. Blunt për iniciativën në sigurimin e donacionit britanez prej 500,000 eurove dedikuar AKP-së.

ZKPSSP-ja nënvizoi rëndësinë e zgjidhjes së pronësisë së pronave private që është një çështje e stërgjatur në ish Jugosllavi dhe shumë vende tjera nëpër botë. Ai e përshkruajti AKP-në si “rezultat i shumë mësimeve të mësuara mbi atë se si ajo të bëhet shpëjtë, me efiktive, me efikasitet dhe përgjegjësi”. Ai shtoi: ”Po ashtu mendoj se duhet t’i bashkojmë të gjitha mësimet e mundshme të mësuara nga DÇP-ja, ti aplikojmë ato në AKP, kështu që çfarëdo gabimi që ka mund të bëhet nga DÇP-ja të mos përsëriten dhe intereset individuale pronësore të trajtohen në mënyrë të përgjegjëshme”.

Z. Schook apeloi te donatorët për mbështetje financiare shtesë për AKP-në, të cilës i nevojiten edhe 6 milion euro për ta përmbyllur mandatin e saj.  

AKP-ja ka, varësisht nga ankesat drejtuar Gjykatës Supreme të Kosovës, juridiksion të jashtëzakonshëm për zgjidhjen e kërkesave për pronat e paluajtshme private, përfshirë tokat bujqësore si dhe pronat komerciale që janë ngritur nga konflikti i armatosur i viteve 1998-99. Prej më shumë se 10,000 kërkesave të pranuara deri më tani, KPA-ja ka filluar përpunimin e më shumë se 3,000 kërkesave duke lëshuar njoftimin ligjor për banuesit e tanishëm dhe/ose duke verifikuar vlefshmërinë e dokumenteve të paraqitura si dëshmi për mbështetje të kërkesave. Pas përfundimit të përpunimit të lëndëve, kërkesat i paraqiten Komisionit të Kërkesave Pronësore të Kosovës (KKPK) për marrje të vendimit. Seanca inaguruese e KKPK-së do të mbahet kah fundi i marsit.