AKP bën njoftimin për 2,562 prona të kërkuara

Bazuar në Memorandumin e Mirëkuptimit me Agjencinë Kadastrale të Kosovës (AKK), AKP-së, në shtator 2009 i është mundësuar qasja në të dhënat kadastrale që posedon AKK-ja. Pas rishikimit të këtyre të dhënave është konstatuar se në disa raste pronat janë identifikuar gabimisht. Me qëllim të adresimit të kësaj çështjeje AKP do të ri-notifikojë pronat përmes nxjerrjes së Gazetës së Njoftimit.
Lista e pronave të notifikuara mund të gjindet në të gjitha Kuvendet Komunale, në Gjykatat lokale komunale, në Gazetën e AKP-së, në të gjitha Zyrat e AKP-së dhe fshatrat për të cilat është bërë kërkesë dhe janë në listë.
Për më shumë, për pronat e njoftuara është i mundshëm edhe kërkimi elekronik në faqen e internetit: http://www.kpaonline.org/SearchSC/frmSearchNot.aspx

ME RËNDËSI!

Nëse besoni se keni ndonjë interes juridik në ndonjë nga pronat e kontestuara, të cilat gjinden në Gazetën e Njoftimit, ju duhet të kontaktoni AKP-në sa më shpejt që është e mundur brenda 30 ditëve nga data e publikimit të kësaj Gazete. Nëse tashmë keni pranuar njoftim me shkrim nga AKP-ja se është paraqitur një kërkesë për pronën që ju momentalisht jeni duke e shfrytëzuar, dhe e njëjta gjendet në listë, ju lutemi që të paraqiteni në Zyrën Regjionale më të afërt të AKP-së brenda 30 ditësh që të caktoni një takim për të konfirmuar nëse jeni përgjigjur në kërkesën e duhur, e në rast të kundërt, për të konfirmuar nëse dëshironi ta tërhiqni përgjigjen tuaj në kërkesë, ose të përgjigjeni në ndonjë kërkesë tjetër pronësore të regjistruar në AKP.