AKP publikon vëllimin e 18-të të kërkesave pronësore

Më 14 maj 2010 Agjencia Kosovare e Pronës  (AKP)  ka publikuar listën e tetëmbëdhjetë të kërkesave pronësore të paraqitura në agjenci. Volumi i 18-të përmban 2.460 nga gjithsej 40.729 kërkesa që AKP-ja ka pranuar për tokën bujqësore, pronat komerciale dhe pronat banesore.

2,460 kërkesat e publikuara sot përfshijnë kërkesat pwr:

·        2, 130 prona bujqësore;

·        190 prona banimi; dhe

·        140 prona komerciale.

Publikimi i sotëm e ngritë numrin e përgjithshëm të kërkesave të publikuara nga AKP-ja në 40,597.
Informatat e publikuara përfshijnë të dhëna që kanë të bëjnë me kërkesat, siç janë: komuna, fshati, emri i rrugës, numri i rrugës dhe numri ngastrës së pronës së kërkuar, në mënyrë që t’ua mundësojë personave, që kanë interesa ligjore të mundshme mbi pronat, identifikimin e pronës.  
Nëse  besoni se keni të drejtë, ose interes ligjor, në cilëndo prej pronave të kërkuara që figurojnë të publikuara, ju duhet të kontaktoni  AKP-në sa më shpejt që të mundeni dhe atë brenda 30 ditëve pas datës së publikimit të listë, nëse dëshiron të bëhet palë në kërkesë. Nëse ju dështoni të vëni konakt  brenda 30 ditësh, AKP-ja ose Komisioni i Pavarur i Kërkesave Pronësore të Kosovës (KKPK) mund të lëshojë një urdhër, që mund të afektojë të drejtat tuaja pronësore mbi kërkesën e parashtruar pa ndonjë lajmërim paraprak.

Lista e kërkesave të publikuara mund të gjendet në të gjitha komunat, në gjykatat vendore
në Kosovë si dhe në ueb-faqen e AKP së:

http://www.kpaonline.org/SearchSC/frmSearch.aspx