PRISTHINË - Sot numri i kërkesave të paraqitura në Agjencionin Kosovar për Prona (AKP) ka arritur në 10000. AKP është themeluar sipas Rregullores së UNMIK-ut 2006/10 të datës 4 Mars 2006, dhe agjencioni ka juridiksion ekskluziv për të zgjidhur kërkesat për riposedim të pronës së patundshme private, përfshirë pronat komerciale dhe tokën bujqësore, direkt të ndërlidhura si rezultat i konfliktit të armatosur të viteve 1998 dhe 1999.
Kërkesat e paraqitura në AKP përfshijnë kërkesat për:

653 prona të banimit
554 prona komerciale
8840 prona bujqësore

Nga kërkesat e paraqitura 1444 kërkesa janë paraqitur në zyrat e KPA-së brenda Kosovës dhe 8565 kërkesa janë paraqitur në zyrat tona që gjenden në territorin e Serbisë dhe të Malit të Zi.
Numri i kërkesave është duke u rritur dita-ditës, dhe KPA pret të pranoj në përgjithësi më shumë se 11.000 kërkesa. “Secili që e ka humbur posedimin e pronave të patundshme private si rezultat i konfliktit të armatosur 1988-99 duhet të paraqesë kërkesën e tyre në zyrat e KPA-së sa më shpejt që është e mundur. Tashmë kemi filluar të procedojmë kërkesat të cilat i kemi pranuar, dhe pres që vendimet e para të merren në fillim të vitit të ardhshëm.” thotë në deklaratën e tij Drejtori Ekzekutiv i KPA-së, Knut Rosandhaug. Gjatë tërë kohës statistikat e freskëta mbi kërkesat e paraqitura në KPA mund të shihen në faqen tonë të internetit:

Pronat totale të kërkuara sipas komunës

Lloji i pronave të kërkuara sipas regjioneve

Lloji i të drejtave pronësore të kërkuara sipas komunave