Filloi  ekzekutimi i vendimeve të AKP-së

Edhe një hap në kthimin e të drejtës pronësore është arritur kur Agjencia Kosovare e Pronës (AKP) zbatoi vendimet e para të  Komisionit për Kërkesa Pronësore të Kosovës (KKPK) më  3 nëntor 2008. Hallaçi i Epërm, fshat në komunën e Lipjanit  ishte vendi në të cilin u ekzekutua vendimi i parë i Komisionit për Kërkesa Pronësore të Kosovës (KKPK). Po të njëjtën ditë agjencia ka ekzekutuar edhe gjashtë vendime  tjera të KKPK-së.

Një parashtrues i suksesshëm i kërkesës përmes vendimit të Komisionit do pranojë konfirmimin mbi të drejtën pronësore, drejtën e shfrytëzimit për një pronë për të cilën është bërë kërkesë. Vendimet e Komisioni për Kërkesa Pronësore të Kosovës janë të formës së prerë dhe përfundimtare pas ankesave që mund t’i bëjnë palët në Gjykatën Supreme të Kosovës, 30 ditë pas datës së dorëzimit të vendimit. Vendimi përmban edhe urdhërin për dëbim, i cili autorizon AKP-në të dëboj banuesin e paligjshëm nga prona e kërkuar.

Në momentin që parashtruesi i suksesshëm i kërkesës kërkon riposedimin e pronës, AKP-ja do të inicojë procesin e dëbimit të banorëve të paligjshëm nga prona në mënyrë që të dorëzojë posedimin e pronës parashtruesit të kërkesës. Ekzekutimi i vendimit do të bëhet në bashkëpunim me parashtruesin e kërkesës, ku data dhe dita do të caktohet në përputhje me gatishmërinë e tij/saj për ri-posedimin e pronës.

“AKP-ja filloi me zbatimin e vendimeve te para të AKP-së që është një moment i rëndësishëm në sigurimin e të gjithë qytetarëve në sundimin e  ligjit. Me këtë rast më lejoni t’u kërkojë  të gjithë parashtruesve të kërkesave pranë AKP-së që të bashkëpunojnë ngushtë me zyrtarët e AKP-së në mënyrë që riposedimi i pronave të kërkuara të jetë sa më i  lehtë dhe efikas.

Të gjithë ata që ende shfrytëzojnë  pronën në mënyrë të paligjshme, luten që të mos fillojnë asnjë aktivitet në këto prona sepse në të kundërtën AKP-ja nuk do të kompenzojë parat e investuara në këto prona” shprehet Z. Agron Beka koordinator i njësisë së dëbimeve pranë AKP-së.

“Në momentin e ekzekutimit të vendimit, AKP-ja në pronë do të vendosë një njoftim në të cilin shpjegohet qartë se kushdo që hyn me dhunë në pronë ose e shfrytëzon atë pa lejen e AKP-së do të arrestohet dhe do t’i nënshtrohet ndjekjes penale nga autoritetet për zbatimin e ligjit në përputhje me Kodin Penal të Kosovës” shton më tepër Z. Agron Beka.

Agjencia Kosovare e Pronës deri më tani ka vendosur më shumë se 16 000 kërkesa, ekzekutimi i vendimeve do të vazhdon deri ne vendimin e fundit.