AKP-ja publikon vëllimin e 16-të të kërkesave të paraqitura

Agjencia Kosovare e Pronës (AKP) më 12 shtator 2008 publikoi vëllimin e 16-të të kërkesave pronësore që i janë paraqitur agjencisë. Vëllimi i gjashtëmbëdhjetë përmban 2,121 prej më shumë se 39,818 kërkesave që AKP-ja i ka pranuar deri më tash për toka bujqësore, prona komerciale dhe ato banesore që janë si rrjedhojë e konfliktit të armatosur  të viteve 1998 dhe 1999.

2,121 kërkesat e publikuara sot përfshijnë kërkesat për:

• 2042 prona bujqësore;
• 64 prona banimi; dhe
• 15 prona komerciale

Publikimi i sotëm e ngritë numrin e përgjithshëm të kërkesave të publikuara nga AKP-ja në 36,892.
Informatat e publikuara përfshijnë të dhëna që kanë të bëjnë me kërkesat, siç janë komuna, fshati, emri i rrugës, numri i rrugës dhe ngastrës së pronës së kërkuar, në mënyrë që t’ua mundësojë personave, që kanë interesa ligjore të mundshme mbi pronat, identifikimin e pronës.  
Kushdo që beson se ka interes ligjor në cilëndo prej pronave të kërkuara që është publikuar duhet të kontaktojë njërën nga zyret e AKP-së sa më shpejt që të mundet dhe atë brenda 30 ditëve pas datës së publikimit nëse dëshiron të bëhet palë në kërkesë. Pas kalimit të periudhës 30 ditore, kërkesat do t’i prezantohen Komisionit të pavarur të Kërkesave Pronësore të Kosovës (KKPK) për vendimmarrje. Cilado palë në kërkesë mund të bëjë ankesë pranë Gjykatës Supreme të Kosovës kundër vendimit të KKPK-së.

Lista e kërkesave të publikuara mund të gjendet në të gjitha komunat, në gjykatat vendore
në Kosovë si dhe në ueb-faqen e AKP-së

http://www.kpaonline.org/SearchSC/frmSearch.aspx.