Lajmërim për të gjithë paraqitësit e kërkesave në KPA.

Të gjithë paraqitësit e kërkesave, të cilët ia kanë ofruar numrin e tyre AKP-së, së shpejti do të pranojnë SMS porosi (porosi përmes telefonit mobil) për tu informuar për statusin aktual të kërkesës. Rrjedhimisht, të gjitha këto porosi do të përmbajnë numrin e kërkesës (KPA XXXXX), si dhe ueb-faqen tonë në internet (www.kpaonline.org) dhe linjën tonë telefonike 038 249 936.

Keni para sysh se nuk jeni të obliguar që të përgjigjeni (të bëni thirrje telefonike apo të paraqiteni në ndonjërën prej zyrave të AKP-së) nëse keni pranuar porosi të tillë. Porositë SMS janë vetëm një shërbim shtesë i AKP-së me qëllim të informimit për statusin e kërkesës tuaj. Përderisa përpunimi i kërkesës është në vazhdim e sipër, do të pranoni porosi SMS shtesë atëherë kur kërkesa arrin status tjetër.

Mund të pranoni ndonjërën prej porosive vijuese në telefonin mobil:

“Notifikimi i kërkesës - shfrytëzuesi aktual i pronës së kërkuar është njoftuar për këtë kërkesë më (DATA)”.
Kjo nënkupton se AKP-ja me sukses ka realizuar notifikimin e pronës dhe ka informuar secilin banues se duhet të përgjigjet në kërkesë brenda afatit kohor prej 30 ditësh të përcaktuar me ligj.

 “Publikimi – kjo kërkesë është botuar në Gazetën e AKP-së më (DATA)”
Me këtë ju informojmë se AKP-ja ka publikuar informatat që lidhen me kërkesën tuaj në vendet relevante publike, media si dhe në ueb-faqen e internetit të AKP-së. Lista e publikuar përmban emrin e komunës, fshatin, numrin dhe emrin e rrugës, si dhe numrin e ngastrës së pronës së kërkuar.

 “Kthimi i përgjigjes –  kemi pranuar deklaratë nga shfrytëzuesi aktual i pronës së kërkuar”
Pala përgjegjëse (zakonisht shfrytëzuesi aktual i pronës) është paraqitur pranë Agjencisë Kosovare të Pronës (AKP) sapo është njoftuar për kërkesën dhe është përgjigjur në kërkesë.

 “Paraqitja në Komision-  kjo kërkesë i është paraqitur Komisionit më (DATE)  për marrje të vendimit”
Kërkesa i është paraqitur Komisionit të Kërkesave Pronësore për marrje të vendimit. AKP-ja do t’ju kontaktoj sapo të merret vendimi për kërkesën tuaj.

Porositë SMS do t’ju dërgohen vetëm paraqitësve të kërkesave që i kanë ofruar AKP-së numrin e telefonit. Ju lutemi kontaktoni ndonjë zyre të AKP-së nëse nuk ia keni lënë AKP-së  numrin e telefonit mobil dhe nëse dëshironi të pranoni porosi të tilla SMS.

Çfarëdo pyetje në lidhje me shërbimin SMS mund të adresohet në linjën direkte : 038 249 936