E martë, 10 qershor  2008

U SHPËRNDAN VENDIMET E PARA TË KOMISIONIT PËR KËRKESA PRONËSORE TË KOSOVËS (KKPK)

Sot, Agjencia Kosovare e Pronës (AKP) ka filluar shpërndarjen e vendimeve që i ka marrë Komisioni për Kërkesa Pronësore të Kosovës (KKPK). Vendimet e para u janë dorëzuar personave që kanë vizituar zyrat e AKP-së në Beograd, Kragujevc, Nish, Podgoricë, dhe Graçanicë.

Deri më tash Komisioni ka vendosur 8,329 nga gjithsej 39,589 kërkesa që janë paraqitur në Agjencinë Kosovare të Pronës (AKP). AKP-ja do të vazhdojë punën e saj në zgjidhjen e mosmarrëveshjeve për pronat private që kanë rezultuar si rrjedhojë e konfliktit të armatosur 1998/1999.

Shpërndarja e vendimeve do të vazhdojë krahas procesit  të procedimit të lëndëve dhe marrjes së vendimeve tjera nga ana e Komisionit për të gjitha kërkesat e paraqitura në AKP. Një kopje e vendimit, që ju shpërndahet palëve, përcakton të drejtën(at) pronësore për sa i përket kërkesës(ave) të paraqitur(a) në Agjencinë Kosovare të Pronës.

Një parashtrues i suksesshëm i kërkesës përmes vendimit të Komisionit do pranojë konfirmimin mbi të drejtën pronësore, drejtën e shfrytëzimit për një pronë për të cilën është bërë kërkesë. Vendimet e Komisioni për Kërkesa Pronësore të Kosovës (KKPK) janë të formës së prerë dhe përfundimtare pas ankesave që mund t’i bëjnë palët në Gjykatën Supreme të Kosovës 30 ditë pas datës së dorëzimit të vendimit.

Palët pranojnë një vendim zyrtar të vërtetuar në gjuhën angleze si dhe versionet e përkthyera të këtij vendimi në gjuhën shqipe dhe serbe. Versioni në gjuhën angleze është vendim zyrtar, prandaj  në rrethanat kur ka ndonjë mospërputhje mes  versionit në gjuhën angleze dhe versionit në gjuhën shqipe dhe serbe, atëherë do të mbizotërojë përmbajtja e versionit në gjuhën angleze.

Pritet se Komisioni për Kërkesa Pronësore të Kosovës (KKPK), që është inauguruar në qershor të vitit 2007, do të mund të vendos për lëndët që janë paraqitur në AKP diku në pjesën e parë të vitit 2010.

AKP është themeluar më 4 mars 2006 përmes nxjerrjes së Rregullores së UNMIK-ut 2006/10, e cila më vonë është ndryshuar me Rregulloren e UNMIK-ut 2006/50. Agjencia, duke iu nënshtruar ankesës në Gjykatën Supreme të Kosovës, ka kompetenca ekskluzive për të zgjidhur kërkesat për pronën e paluajtshme private (përfshirë pronat komerciale dhe bujqësore) si rrjedhojë e konfliktit të armatosur nga viti 1998-1999 në Kosovë.

Çfarëdo pyetje në lidhje me vendimet mund të adresohet në linjën direkte 038 249 936