AKP-ja publikon Raportin Vjetor për vitin 2007

Agjencia Kosovare e Pronës (AKP) ka publikuar Raportin Vjetor për vitin 2007. Raporti është i përbërë nga dhjetë kapituj, që përfshijnë; themelimin dhe mandatin e AKP-së, punën dhe aktivitetin për vitin 2007, rezultatet e arritura në procedimin dhe përpunimin e kërkesave që janë paraqitur në Agjenci, shpenzimet vjetore, si dhe në fund të këtij Raporti, në një Shtojcë të posaçme janë publikuar materiale me rëndësi për AKP-në, siç janë Rregullore, Urdhëresa Administrative, Organograme, si dhe tabela me të dhëna statistikore.  Po ashtu, këtij Raporti i paraprinë parathënia e shkruar nga Drejtori Ekzekutiv i AKP-së, z.Knut Rosandhaug.

Raporti Vjetor i AKP-së për vitin 2007 është publikuar në gjuhën shqipe, serbe dhe atë angleze dhe mund të gjendet online edhe në faqen e internetit: www.kpaonline.org/sq/video.asp