AKP-ja ka vendosur  5,700 kërkesa pronësore

Pas përfundimit të seancës së 5-të të Komisioni për Kërkesa Pronësore të Kosovës (KKPK), në Prishtinë të enjten e kaluar,  ka vendosur 5,749 prej 39,171 kërkesave pronësore të paraqitura në Agjencinë Kosovare të Pronës. Agjencia do të vazhdojë punën e saj duke i zgjidhur 33,422 kërkesat e mbetura për pronë të paluajtshme private si rrjedhojë e konfliktit të armatosur të vitit 1998-1999.

Agjencia Kosovare e Pronës (AKP) është duke e vazhduar punën e saj në pajtueshmëri me Planin e Ahtisaarit. Javën e kaluar Komisioni për Kërkesa Pronësore të Kosovës (KKPK), që është pjesë e Agjencisë përfundoi seancën e 5-të, dhe kështu Komisioni deri më tani ka vendosur 5,749 (14.7 përqind) prej numrit të përgjithshëm prej 39,000 kërkesa, të cilat janë paraqitur në Agjenci. Në seancen e tij të fundit, KKPK vendosi rreth 2,403 kërkesa pronësore.

Pritet që KKPK-ja, e cila është themeluar në qershor 2007, do të finalizojë vendosjen e të gjitha kërkesave të paraqitura në AKP në fillim të vitit 2010.

AKP-ja është themeluar më 4 mars 2006 përmes nxjerrjes së Rregullores së UNMIK-ut 2006/10, e cila më vonë është ndryshuar me Rregulloren e UNMIK-ut 2006/50. Agjencia, duke iu nënshtruar ankesës në Gjykatën Supreme të Kosovës, ka kompetenca ekskluzive për të zgjidhur kërkesat për pronën e paluajtshme private (përfshirë pronat komerciale dhe bujqësore) si rrjedhojë e konfliktit të armatosur nga viti 1998-1999 në Kosovë.

Statistikat:

Kërkesat e vendosura për regjion dhe komunë:

http://www.kpaonline.org/sq/ClaimsTotalDecided.asp

Kërkesat e vendosura sipas llojit të pronës:

http://www.kpaonline.org/sq/claimProp_Decided.asp