Agjencia Kosovare e Pronës (AKP) sot publikoi 1972 kërkesat e para prej më shumë se 10,700 kërkesave që Agjencia i ka pranuar deri më tani lidhur me tokat bujqësore, pronat komerciale si dhe pronat e banimit që janë si rrjedhojë e konfliktit të armatosur  të viteve 1998 dhe 1999.

1,972 kërkesat e publikuara sot përfshijnë kërkesat lidhur me:
1,596 prona bujqësore;
183 prona banimi; dhe
193 prona comerciale.

Informata e publikuar lidhur me këto 1972 kërkesa përmban informata siç janë: komuna, fshati, emri i rrugës, numri i rrugës dhe parcelës ku gjendet prona kontestuese, në mënyrë që personat eventual që kanë interes ligjor ndaj pronave të mund ta identifikojnë pronën. 

Kushdo që beson se ka interes ligjor në cilëndo prej pronave kontestuese që gjenden në listën e publikuar të kërkesave kontestuese, duhet të kontaktojë zyren e KPA-së sa më shpejt që të mundet dhe atë brenda 30 ditëve nëse dëshiron të bëhet palë në kërkesë. Pas periudhës 30 ditore, kërkesat do t’i prezantohen Komisionit të pavarur të Kërkesave Pronësore të Kosovës (KKPK) për vendimmarrje. Cilado palë në kërkesë mund të bëjë ankesë pranë Gjykatës Supreme të Kosovës kundër vendimit të KKPK-së. 

Lista e kërkesave të publikuara mund të gjendet në të gjitha komunat, në gjykatat vendore në Kosovë si dhe në zyret e AKP-së në Prishtinë, Mitrovicë, Prizren, Pejë dhe Gjilan.

AKP-ja është themeluar më 4 mars 2006 përmes Rregullores së UNMIK-ut 2006/10, e cila më vonë ishte zëvendësuar nga Rregullorja e UNMIK-ut 2006/50. Agjencia ka juridiksion ekskluziv, i nënshtruar ndaj ankesës pranë Gjykatës Supreme të Kosovës, për zgjidhjen e kërkesave lidhur me pronat e paluajtshme private (përfshirë tokat bujqësore dhe pronat komerciale) që janë si rrjedhojë e konfliktit të armatosur të viteve 1998 dhe 1999.

Kliko këtu për të parë listën e kërkesave të publikuara