Punëtori treditore për të mbështetur Ministrinë e Drejtësisë në përditësimin e Planit të Veprimit të Strategjisë për të Drejtat Pronësore

Nga data 2 – 4 nëntor 2022, në Brezovice nga ana e Ministrisë së Drejtësisë në bashkëpunim me Organizatën për Siguri dhe Bashkëpunim në Evropë (OSBE) Misionin në Kosovë është mbajtur punëtoria tre ditore për të shtjelluar sfidat në zbatimin e Planit të Veprimit të Strategjisë Kombëtare për të drejtat pronësore ne Kosovë. Agjencinë Kosovare për Krahasim dhe Verifikim të Pronës e përfaqësuan Z. Arben Pasjaqa, Zv.Drejtor i Sekretarisë Ekzekutive dhe Albina Bajrami-Recica Udhëheqëse e Njësisë së Verifikimit. Në këtë punëtori u dakorduan hapat e mëtutjeshëm për zbatimin e pikave të Planit të Veprimit në një periudhë optimale kohore. Z. Pasjaqa theksoi se Agjencia në masë të madhe i ka përmbushur pikat që rrjedhin nga Plani i Veprimit dhe se për pikat e mbetura nevojitet një koordinim më i mirë ndërinstitucional.