Jep dorëheqje Drejtori i Sekretarisë Ekzekutive

Me datë 01 shkurt 2022, Drejtori i Sekretarisë Ekzekutive të Agjencisë Kosovare për Krahasim dhe Verifikim Z. Naser Shala ka dhënë dorëheqje nga pozita e tij.

Dorëheqjen ja ka paraqitur Kryetarit të Kuvendit të Kosovës, Z. Glauk Konjufca. Z Shala, ishte zgjedhur Drejtor nga ana e Kuvendit të Kosovës me datë 28 shkurt 2019, me një mandat 5 vjeçar.

Dorëheqja e tij erdhi si pasojë e mos miratimit të Raportit Vjetor të Agjencisë për vitin 2020 në seancën plenare të mbajtur me 6 dhjetor. Ky Raport nuk ishte miratuar në dy komisionet përkatëse, atij për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit si dhe Raportit Vjetor Financiar të Agjencisë në Komisionin për Buxhet, Punë dhe Transfere.

Arsyet e mos miratimit te këtij raporti janë konsideruar te natyrës politike, andaj në mënyre që të shmanget mos miratimi i raporteve tjera që Agjencia do ti dërgojë në Kuvend, dhe që mos të penalizohet Agjencia më tutje, Z. Shala ka vendosur të dorë hiqet nga detyra e tij në mënyrë që Agjencia të vazhdojë me punën e sajë pa tendenca të natyrave politike.