MIRATIMI I PLANIT TË PERFORMANCES PËR VITIN 2022

Me datën 19 janar 2022 është mbajtur mbledhja e Komisionit për Legjislacion,Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit. Në mbledhje sipikë e tretë e rendit të ditës ishte shqyrtimi i planit vjetor të performances për Agjencinë për Krahasim dhe Verifikim të Pronës për vitin 2022. Në takim, nga ana e Agjencisë morën pjesë Albina Bajrami-Recica udhëheqëse e njësisë së Verifikimit të Dokumenteve dhe  Shkelzen Bajraktari Zv. i Udhëheqësit të Njësisë së Informimit. Albina Recica, udhëheqëse e Njësitit të Verifikimit të Dokumenteve, e prezantoi planin vjetor të performancës për Agjencinë për Krahasim dhe Verifikim të Pronës për vitin 2022.  Në këtë plan, ajo tha se janë paraparë aktivitetet, por edhe sfidat gjatë realizimit të tyre. Si sfidë, ajo përmendi kthimin e dokumenteve kadastrale, të cilat i ka grabitur Serbia. Pas debatit, ky plan, u miratua nga Komisioni për Legjislacion Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit.