A dëshironi të kontrolloni statusin e kërkesës tuaj, të merrni një kopje të vendimit nga Komisioni i Kërkesave Pronësore dhe Banesore apo thjeshtë vetëm të merrni më tepër informata rreth AKP-së? Vizitojeni “Web café-në” në zyrën qendrore të AKP-së në Prishtinë.

Kjo “Web café” gjendet në katin përdhesë të zyrës sonë qendrore në Rr.Nazim Gafurri Nr.1 (pranë Ministrisë së Mjedisit dhe Planifikimit Hapsinor). Qytetarët kanë qasje në këto pajisje ndërmjet orës 8.30 deri më 17.30.

Ne kemi tre laptop-kompjuterë të lidhur në internet dhe një shtypës në dispozicion për të gjithë personat e interesuar të cilët kërkojnë më tepër informata rreth AKP-së. Shërbimi është gratis. Stafi i caktuar i AKP-së gjithashtu është në dispozicion për t’ju ofruar çfarëdo lloj ndihme që mund t’ju nevojitet deri sa jeni duke e përdorur “Web café-në”.